١٠ نصايح لانتاج محتوى مؤثر بعض الأدوات لتصميم محتوى عالي الجودة

من حوالي ٢٢ سنة ظهرت نبوءة عن طريق واحد من أحكم و أفطن رجال عصرة. النبوءة دي كانت بتتكلم عن ظهور ملك هيبقى هو نمبر وان و هيغير المفاهيم اللي بتحكم عالمنا. ظهوره هيكون بيكسر كل الأرقام و الانجازات المتعارف عليها و هيحط بداية عهد و أسس جديدة لفن مؤثر في حياة الناس يعلمهم و يلهمهم في حياتهم.. و عدت الأيام و فاتت السنين و النبوءة اتحققت و الملك فعلا ظهر و دلوقتي بيحكم اكبر امبراطورية في العالم. قبل ما خيالك يروح لبعيد .. انا أكيد مش بتكلم على محمد رمضان .. انهاردة انا بتكلم عن الملك اللي بجد.. ال content أو المحتوى أعزائي المشاهدين أهلا وسهلا بيكم في تامن حلقة من برنامج Digital Gossips قبل ما نبدأ لو سمحت اتأكد انك عامل subscribe و Activiate ال notifications علشان توصلك كل الحلقات الجاية في سنة ١٩٩٦ بيل جيتس مؤسس شركة مايكروسوفت و أهم رجل يعود ليه الفضل في التطور التكنولوجي الرهيب اللي العالم وصله كتب مقالة عن توقعه لمستقبل الانترنت و سماها content is king و فعلا الانترنت بشكله المعروف حاليا بقى هو أكبر سوق في العالم لعرض المحتوى . سوق قيمته أكبر من ميزانيات دول كاملة .. سوق أكبر شركات العالم بترعاه و بتحقق مكاسب طائلة منه. . تقريبا كل معلومة نعرفها عن العالم اللي عايشين عليه موثقة بشكل أو آخر كمحتوى على الانترنت. و بما ان الانترنت معتمد بالأساس على صناعة المحتوى.. يبقى مفتاح نجاحك في تحقيق أهداف البزنس بتاعك على الانترنت معتمدة على قدرتك في خلق المحتوى المناسب. انهاردة هكلمكم على أهم النصايح و ال tools اللي بستخدمها علشان انتج محتوى مؤثر. خليني اتفق معاكم الأول على قاعدة مهمة جدا هتكون هي الأساس في أي حاجة هنتكلم فيها انهاردة. القاعدة بتقول ان أي platform سواء سوشيال ميديا او جوجل من اللي بنستخدمها للتسويق هدفها الأساسي انها تقدم المعلومات الأفضل و اللي هتلاقي اعجاب مستخدميها. و ده اللي خلى المنصات دي حجمها يزيد بشكل كبير و بقت بتستحوز على جزء كبير من يومنا على حساب وسائل تواصل تانيا زي التليفزيون و الراديو. فسبب نجاح اعلانك هيكون معتمد انك بتعمل محتوى افضل الناس تتفاعل معاه. دلوقتي هنبدأ ب 10 نصايح مهمين جدا لازم تحطهم في اعتبارك و انت بتعمل محتوى موثر: أول نصيحة هي انك لازم تبني محتوى هدفه انه يفيد الناس و يخليهم يثقوا فيك و يبقوا شايفين انك حد متمرس جدا في المجال ده ساعتها يوم لما يقرروا يحصلوا على منتج او خدمة في مجالك انت اول واحد هتيجي في بالهم. بظبط زي ما شرحتلكم قبل كده في حلقة ال sales funnel. انصحك تعمل pause و تتفرج على الحلقة من هنا و بعد كدة كمل الحلقة دي. تاني نصيحة.. أي منصة من منصات السوشيال ميديا بتقبل المحتوى بأشكال مختلفة و كل شكل أو format ليه مواصفات لازم تلتزم بيها. تعدد أشكال المحتوى على المنصات هدفه انه يديلك مجال اكبر للابداع و قدرة على استخدام الأشكال المتنوعة لأهدافك المختلفة. يعني مثلا الفيديوهات مناسبة جدا لتوصيل معلومات معقدة و طويلة أكتر من الكتابة. هسيبلكم لينك في ال description فيه ال formats اللي موجوده على معظم المنصات و المواصفات و المقاسات و الشروط المطلوبة في كل نوع. https://ideas.capacityinteractive.com/social-media-ad-dimensions تالت نصيحة.. هي استخدام محتوى قوي احترافي و ملفت. لو بتستخسر في استثمار وقت و فلوس في انتاج المحتوى اللي بتقدمه التأثير بتاعه ممكن يبقى سلبي. شكل المحتوى بتاعك بيعكس كتير عن شخصية شركتك و مدى رغبة الناس في التعامل معاك. تخيل كده انت قدامك شخصين واحد لابس بدلة شيك و حاطط برفيوم حلوة و ليه كاريزما قوية و التاني لابس هدوم مبهدله و مغسلش وشه قبل ماينزل. مين فيهم هتحب تتعامل معاه و يكون صاحبك و تثق فيه؟ علشان تنتج محتوى شكله حلو في اكتر من tool ممكن تستخدمها زي تصميم الصور بمختلف مقاساتها adobe spark post https://spark.adobe.com/ و canva https://www.canva.com/ و من أفضل الأدوات اللي بستخدمها للفيديو و ال GIFs أداه اسمها InVideo https://invideo.io/ و أداه اسمها placeit و بالمناسبة انا استخدمت placeit https://placeit.net/ علشان اعمل ال intro و ال outro بتاعت digital gossips. و طبعا علشان تعمل مواقع و sales funnels شكلهم مميز ممكن تختار templates كتير من على مواقع زي Themeforest https://themeforest.net/ لو عايز تعمل موقع wordpress او ممكن تشتغل على أدوات تانية زي instapage https://instapage.com/start و get response https://www.getresponse.com/. هتلاقوا لينكات كل ال tools تحت في ال description اللطيف ان الأدوات دي كلها ان بيكون عليهم templates كتير تقدر تستخدمها علشان تعمل محتوى شكله حلو و مطابق لشروط منصات التواصل الاجتماعي المختلفة.